| 十月頭參加了一個頗Kai的比賽，Subaru Palm Challenge 2009.
這個比賽是右手平放在一架車的指定位置，由13:00 hold 到 18:00 ，同時做一些指定動作，鬥捱得耐。
留到最後的10位可代表香港到Singapore再鬥過。
經過抽簽 (100人抽40人)，有幸得到參賽資格... 自己頗有信心，因本人擅長"空殼"，加上贏左有得去singapore爭部車! 
有比賽衫添呀！
比賽過程初頭頗順利，左手完全無問題，問題是右手：
1st hr: ok
2nd hr: 左手摸住右耳一個鐘，ok
3rd hr: 左手揸住燈籠一個鐘，燈籠一定高過頭，ok
4th hr: 左手揸住Bonaqua水樽(有水)，舉高放低60下，跟住一直伸直手舉高....
舉左大半個鐘，左手無晒感覺，結果左手在不受控下跌左落黎...輸左
我玩到17:00，係最後15強！超唔抵！撐多一陣就得.....Shit~~~不過輸左就係輸左，希望勝出的參賽者可以在Singapore贏其他國家選手。 
被大會影了相，空殼中，好樣衰
因我兩邊的參賽者一早出局，有空位俾Artist影相，我變了人肉佈景板...
Singapore的比賽方式就不用做其他動作，一味點住部車，每6小時休息10分鐘，贏左可以得到一架值$240000的車。據聞上屆贏的人點足3日2夜....這個我有信心，10日都得呀(笑)！
下年再玩過！ |
| |
|   
用了Cannon 的 "Faceself Timer" 功能
按下快門掣，螢幕顯示："Look straight at camera to start count down"
.....一句令人費解的指示，於是我地就不停望實部相機.....
最後，就影了這些相（仲有好多我們在移動中的相，基本上完全no idea佢幾時拍）。 我到現在也不清楚如何正確啟動這個拍照功能。 |
| |
| 由於本人之善忘，沒把車頭燈關上便離開，導致我心愛的MOVE"金睛火眼"咁等足粒幾鐘....
結果便是無電，"tak"唔到車！
頭一次遇上這種情況，立即詢問了Benny和"細佬"，兩人的意見也是叫的士幫手，
於是我便問的士。但因我的車在Times square 的停車場，所以無的士睬我.....
(事先說明，我是有說俾錢的，可見時下的士司機有幾樂於助人...)
最後，細佬好好人咁過來幫我，真的很感激他！ 
過電中~ 原來要踩住油門的！ 另外，原來條電線叫"過江龍"，有氣勢!!!
呢位搭順風車的小姐當我架車係景點....
好快趣我架車就開到了！在此多謝細佬和Benny.
今次也算是了解my beloved MOVE 多D同埋學多樣野。
下次要小心D lu~~~ |
| |
| 今天，我如常返工。
關上家的大門後，行過一條走廊，正走出升降機大堂時，
在那個轉角位，我，遇上了他。
是緣份嗎？我想他也是完全想不到會有這樣的懈后。
他只是在這陽光普照的早上，在那穿過窗口的陽光下晃動。
而我漫不經意的，就這樣吻了他一下。 ......... .... .. 很浪漫的情景，人生也不會遇到很多次。
很多少女也夢想過這樣的懈后，而我就有幸遇到了。 然而，
他，是一隻飛蛾。
...................
.......
.. 在吻上的那刻，腦內盡是童年說過的話：
嘩，如果俾隻大飛蛾包住，我會即刻自殺 ~ 哈哈哈哈......
.................................我現在也很想自殺。
|
| |
| : : Disaster @ Home : : 我家的牆被"巨爵"吹裂了！很爆！我完全係笑到合不攏咀！
事發經過：颱風"巨爵"襲港，位於山上40樓(頂樓)的我家如常像飛機場呼呼聲。
鑒於屋企之前的窗試過漏水，所以特別留意窗口位置... 無事....Good.
之後Winnie姐在廚房說: 廚房個窗滲水喎！
廚房滲水不是很麻煩的事，不過我都循例去廚房看看。
Winnie姐說: 上次房個窗漏水漏得咁犀利，今次個窗無野，硬係覺得實有D野... 原來輪到廚房滲水！
我想：好在我間房無事，點解一定實有D野? Law of conservation 呀? 痴線！
我敷衍幾句後回房，當我開門後，呆了一呆：眼前的牆多了一道裂痕？
我以為自己眼花，上前用手摸一摸... 頂！漏水geh???
情況就似合了眼有幾行淚痕...
我第一時間退後幾步，腦開始分析：點解牆的正中可以裂開，仲滲水？水一定由外面入來...唯一的結論是：牆被"巨爵"吹裂了.... 真係荒謬!!!今朝我姑媽叫我用膠紙貼窗；姨姨叫我小心點，不如不回家...我全都當笑話，一笑置之；誰知我家出現更可笑之事，有邊個會諗到我應該用膠紙貼牆!?!?!
之後我用了毛巾及廁紙"敷"住個裂痕，再用紗布用的紙質膠紙固定位置...感覺似包了傷口，好好笑...
其實一D都唔好笑... 這絕對係 serious 的問題！有很多手尾跟呢...都唔知點跟，可能最後扮無事，等下次掛8號風球再算！ |
| |
